肥雞妹帶旺炸雞
〈嗶嗶嗶〉成為高登洗腦歌，喺筲箕灣嘅高登炸雞就係近排大 hit話題，皆因炸雞店用咗高登做店名外，仲有個網名叫「性感村姑」嘅絲打做 sales，個樣鬼鬼哋，身高得 5呎 2重 130磅，不過高登絲打有親切感之餘，最難得佢次次影相大低胸， 1個月至今已做咗超過 10個雜誌及報紙訪問。
高登肥雞妹 Lyllian︰我油膩
「港男重外表」
「性感村姑」 18歲，中英混血，有口臭高登仔話佢博上位，村姑話：「我爺爺係英國人，我英文名叫 Lyllian，中文名曾曉彤，我知我油膩，英國女仔個個都係咁啦，熱褲低胸衫出街冇問題囉，香港男仔好重外表，肥啲又唔得，算啦，我唔介意，自己開心就得！」
俾高登仔話佢肥妹唔知醜，村姑就反寸佢哋：「佢哋係鍵盤戰士（高登 hit術語，即只在網絡上發威），寬己就嚴人，匿喺房就大聲，高登仔話肥，我當然唔開心，但我絕對唔會反擊，多謝佢哋添，等我知人哋點睇自己都好！」繼司徒華，村姑嘅豁達都好令人佩服！
